Со нов метод во Турција за првпат третирана инсуфициенцијата на длабоките венски валвули

ИСТАНБУЛ (АА) - Двајца пациенти се лекувани од длабока венска инсуфициенција, хронична здравствена состојба која ги зафаќа крвните садови на долните екстремитети на луѓето, со нов систем познат како екстраваскуларно ремоделирање, развиен во лабораториите на турската мултинационална компанија „Инвамед-РД Глобал“ (Invamed-RD Global), јавува Агенција Анадолија (АА).

Компанијата соопшти дека продолжува со развој на техниките за третирање на длабоката венска инсуфициенција, која може да доведе до губење на стапалото на пациентот и која нашироко се третира преку отворена операција, преку што е познато дека носи ризик да предизвика големи болки, тромбоза и инфекции кај пациентите, меѓу останатите прашања за ефективноста, како и разни сериозни компликации.

Екстраваскуларното ремоделирање, развиено од експерти истражувачи и научници од „Инвамед-РД Глобал“, вклучува преобликување на структурата на крвните садови преку специјален метод на мапирање што им овозможува на садовите повторно правилно да функционираат.

Системот овозможува третирање надвор од вената, минимизирајќи го ризикот од тромбоза, што се случува при методите што користат механички импланти во садот, и им овозможува на пациентите да се вратат на вообичаениот начин на живот.

„Длабоката венска инсуфициенција е болест која сериозно е проучувана низ целиот свет. Ние развивме нов метод за третман на венска инсуфициенција со екстраваскуларно стентирање без оштетување на вената. Покажавме дека ова може да биде ефикасно при рана апликација. Продолжуваме со понатамошно проучување на овој метод“, истакна д-р Турхан Јавуз, кардиохирург на Универзитетот „Сулејман Демирел“ во југозападна Турција.

Заедно со неговиот тим експерти, лекари, Јавуз успешно го примени системот за екстраваскуларно ремоделирање за лекување на длабоката венска инсуфициенција.