Турскиот комуникациски сателит од 5. генерација подготвен да стартува со пружање услуги

АНКАРА (АА) - Лансиран од технолошката компанија „СпејсХ“ во јануари, турскиот комуникациски сателит од петтата генерација „Турксат 5А“ е подготвен да стартува со работа на 31. источен меридијан, јавува Агенција Анадолија (АА).

„Турксат“ ќе понуди ТВ-радиодифузни услуги до Европа, Блискиот Исток и регионот на Африка и услуги за комуникациски податоци до целата област за покривање, благодарение на „Турксат 5А“, според податоците собрани од АА.

Со „Турксат 5А“, бројот на турски активни комуникациски сателити во вселената достигна четири, заедно со „Турксат 3А“, „Турксат 4А“ и „Турксат 4Б“.

Првиот сигнал од „Турксат 5А“ е примен 35 минути откако успешно беше лансиран во орбитата со ракетата „Фалкон 9“, која полета од источниот брег на САД.

Произведен од „Ербас“ со целосен електричен погон, „Турксат 5А“ патуваше над четири месеци во вселената за да дојде до својот орбитален слот.

По завршувањето на тестирањето во орбитата, „Турксат 5А“ започна со својот работен век од 30 години, гарантирајќи ги на Турција правата на фреквенција и орбита.

Сателитот ќе обезбеди 1.728 мегахерци Ку банд опсег над Турција, Европа, Блискиот Исток, Северна Африка, Средниот Запад на Африка, Јужна Африка, Средоземното Море, Егејското Море и регионот на Црното Море.

Планирајќи проширување на својата флота на сателити, области на покривање и опсег, „Турксат“ ќе лансира 5Б сателити во вселената во четвртиот квартал од оваа година.

Во орбитата на Земјата има седум активни турски сателити, вклучувајќи и три сателити за набљудување - „Гоктурк-1“, „Гоктурк-2“ и „Расат“.