Трамп по средбата Виткоф-Путин: „Направен е голем напредок“

Американскиот претседател Доналд Трамп денес изјави дека неговиот специјален пратеник Стив Виткоф имал „многу продуктивен“ состанок со рускиот претседател Владимир Путин, пренесува Анадолу.

„Остварен е голем напредок!“, напиша Трамп на „Truth Social“.

Трамп рече дека информирал некои од европските сојузници.

„Сите се согласуваат дека мора да ѝ се стави крај на оваа војна и ние ќе работиме на тоа во деновите и неделите што доаѓаат“, додаде тој.

Виткоф пристигна во Москва денес, а ова е негова петта посета на Русија од почетокот на годината. Последен пат се сретна со Путин на 25 април.

Посетата се случи два дена пред рокот од 10 дена што Трамп ѝ го постави на Русија да постигне договор за прекин на огнот со Украина.