Советот за безбедност на ОН ќе одржи итен состанок за израелските напади врз Сирија

ЊУЈОРК / ХАМИЛТОН (АА) - Советот за безбедност на ОН треба да одржи итна седница во четврток по израелските воздушни напади врз регионот Сувајда и Дамаск во Сирија, известува Анадолу.

Според информациите што Анадолу ги доби денес, итна седница е побарана од постојаната мисија на Сирија во ОН, поддржана од Алжир, кој е актуелен непостојан член на советот.

Се очекува состанокот да се одржи во четврток попладне.

Израел започна воздушни напади денес врз Дамаск, насочени кон Министерството за одбрана на Сирија и областите во близина на претседателската палата.

Нападите се случија откако Израел ги продолжи нападите во јужната сириска покраина Сувајда, предупредувајќи дека ќе продолжат доколку сириските сили не се повлечат.

Сириската армија распореди војници во подрачјето на Сувајда за да воспостави ред откако дојде до судири меѓу вооружените групи Друзи и Бедуини, во кои животот го загубија најмалку 30 лица.

Израелската армија тврди дека операциите имаат за цел да го заштитат малцинството Друзи.