Ахмет Аџан, кој живее во куќа спроти гробиштата во областа Хусеиније во Дамаск, главниот град на Сирија, на новинарите на Анадолу Агенција (AA) им зборуваше за настаните на кои бил сведок во врска со откриената масовна гробница.

Како дел од тековните операции за пребарување и проверка низ целата земја по соборувањето на режимот на Башар Асад, на 15 декември беше откриена масовна гробница во регионот Хусејније веднаш зад аеродромот во Дамаск, југоисточно од главниот град, а гробиштата се снимени од страна на екипата на АА.

26-годишниот Аџан, кој живее во куќата спроти гробиштата, за АА изјави дека тој и неговиот татко биле сведоци како силите на соборениот режимот на гробиштата носеле голем број тела и масовно ги закопувале.

Аџан изјави дека во 2011 година, кога започнале мирните демонстрации во Сирија, тој и неговиот татко секој ден гледале како возило со комора за ладење доаѓа во областа, а две лица излегувале од возила и ги фрлиле телата едно врз друго. Потоа доаѓал багер и ги закопувал телата во многу поголема јама од претходната.

Зборувајќи дека соборениот режим го принудил неговото семејство да го напушти регионот за време на граѓанската војна и дека не можеле да се вратат во своето село цели 3 години, Аџан рече:

„Кога се вративме, видовме дека наместо по едно возило на ден доаѓаа 4-5 возила. Во вечерните часови со градежни машини се копаа гробници“.

Аџан рече дека неговата мајка кога дознала дека и неговиот брат, кој приведен од безбедносните сили во Дамаск во 2016 година, бил однесен во затворот Седнаја 2017 година, таа верувала дека тука е погребан и додаде: „Секој ден таа се качува на кровот и учела молитва за неговиот брат. Нејзиното срце чувствува дека тој е тука“.

Истакнувајќи дека воената полиција издала потврда за смртта на неговиот брат 3 години по неговото приведување, Аџар рече: „Направив некои истражувања и дознав дека тој живеел само 7 месеци и 25 дена по апсењето“.

Екипите на АА претходно фотографираа масовни гробници во регионите на мостовите Хусејније и Багдад во Дамаск.

- Ситуацијата во Сирија

На 27 ноември се интензивираа судирите меѓу антирежимските вооружени групи и силите на Башар Асад во Сирија.

Антирежимските вооружени групи воспоставија доминација во најголемите провинции Алепо, Идлиб, Хама и Хомс меѓу 30 ноември и 7 декември.

Со поддршка од народот, антирежимските групи почнаа да навлегуваат во главниот град Дамаск на 7 декември, по што режимот падна, целосно губејќи ја контролата над Дамаск и многу други региони.

По завршувањето на 61-годишното владеење на партијата Баас, лидерот на режимот Асад побегна од главниот град.

Од друга страна, Сириската национална армија го ослободи окружниот центар Тел Рифат од терористичката организација ПКК/ЈПГ првиот ден од операцијата Зора на слободата, која започна во декември.

Со ослободувањето на областа Мунбич, регионот беше исчистен од терористите на ПКК/ЈПГ, кој претходно беше најголемо терористичко гнездо западно од реката Еуфрат.