Израелските сили ранија Палестинец поради наводен напад со нож на Западниот Брег

КУДС (АА) - Израелските сили со огнено оружје ранија еден Палестинец поради наводен напад со нож во окупираниот Западен Брег, пренесува Агенција Анадолија (АА).

Во соопштението на израелската Војска се наведува дека Палестинецот се обидел со нож да нападне израелски војник во местото Гуш Ецион, во јужниот дел на Витлеем.

Во соопштението не се дадени повеќе детали.

Не се пријавени повредени меѓу израелските војници.