Прекината работата на гасните постројки во Абу Даби по пад на остатоци од ракета

ИСТАНБУЛ (АА) - Работата на гасните постројки во Хабшан, Абу Даби, е прекината, откако остатоци од пресретната ракета го погодија локалитетот, соопшти владината Канцеларија за медиуми, пренесува Анадолу.

Екипите за итни интервенции одговориле на пожарот во објектот, при што не се пријавени повредени лица, објави денес Канцеларијата за медиуми на Абу Даби на американската платформа за социјални медиуми Х.

Инцидентот се случил по успешното пресретнување од страна на системите за противвоздушна одбрана, што довело до паѓање на остатоци врз објектот.

Регионалните тензии нагло ескалираа откако САД и Израел започнаа заедничка офанзива врз Иран на 28 февруари, во која досега загинаа повеќе од 1.340 луѓе, меѓу кои и тогашниот врховен лидер Али Хамнеи.

Техеран возврати со напади со беспилотни летала и ракети насочени кон Израел, Јордан, Ирак и земјите од Персискиот Залив каде што се наоѓаат американски воени бази.