Трамп сподели мапа на која Ормускиот Теснец е прикажан како американска територија

Американскиот претседател Доналд Трамп денес сподели слика на мапа на која е прикажан Ормускиот Теснец како територија на САД, неколку дена откако изјави дека ќе го прогласи стратегискиот воден пат за дел од САД, јавува Анадолу.

Трамп објави мапа на својот профил на социјалните мрежи на која е прикажана карта на Ормускиот Теснец со ознака „Нова територија на САД“, повторувајќи ги своите претходни изјави за прогласување на водениот пат за територија на САД.

Говорејќи на настан на 14 август, Трамп рече дека американската морнарица спроведува целосна блокада на Ормускиот Теснец.

„Откако ќе го победиме Иран, кој е многу тешко поразен, наскоро ќе го прогласам Ормускиот Теснец за територија на САД“, рече Трамп.

Во посебна објава на социјалните мрежи Трамп, исто така, нагласи дека САД имаат „целосна контрола“ над Ормускиот Теснец и дека верува оти Вашингтон може да ја задржи таа контрола.

Во меѓувреме, иранските претставници постојано повторуваат дека теснецот нема повторно да се отвори освен ако САД не ги прекинат својата интервенција и поморската блокада и не ги исполнат условите од договорот потпишан меѓу Техеран и Вашингтон на 17 јуни.