Австрија: Уапсени три машки лица, пронајдена дрога во вредност од 400.000 евра

БЕРЛИН (АА) - Виенската полиција уапси три лица кај кои е пронајден кокаин вреден 400.000 евра, јавува Anadolu Agency (AA).

Машките лица, на возраст од 51 до 55 година, се уапсени откако на улица се обидоа да продадат речиси шест килограми кокаин.

Виенската полиција не даде детали за осомничените, но истакна дека во врска со овој случај соработуваат со хрватските власти.

Лицата во моментот се наоѓаат во притвор каде што се бранат со молчење, одбивајќи да одговараат на прашањата.