Burç Eruygur
16 Август 2023•Ажурирај: 17 Август 2023
ИСТАНБУЛ (АА) - Азербејџан денес ги отфрли обвинувањата на француското Министерство за надворешни работи за „блокада“ на Коридорот Лачин, единствената копнена маршрута што ѝ дава на Ерменија пристап до Карабах, јавува Анадолу.
„Уште еднаш потсетуваме дека е апсурдно да се прикаже како 'блокада' активноста на граничниот премин Лачин воспоставен во согласност со обврската на Азербејџан да ја гарантира безбедноста на граѓаните, возилата и стоки низ Коридорот Лачин, како и да се спречи злоупотреба на Коридорот Лачин од страна на Ерменија за воени и нелегални економски цели“, се вели во соопштението на азербејџанското Министерство за надворешни работи.
Ерменија тврди дека Коридорот Лачин е блокиран од Азербејџан, тврдење што Баку го негира.
Во соопштението издадено по телефонскиот разговор со ерменскиот министер за надворешни работи, француската министерка за надворешни работи Катрин Колона изрази жалење за „блокадата“ на патот.
Таа истакна дека Азербејџан мора да ги почитува своите меѓународни обврски, особено „привремените мерки наведени од Меѓународниот суд на правдата (МСП) во наредбата од 22 февруари, кои се обврзувачки.
Реагирајќи на Париз, Азербејџан изрази жалење што Франција не ги поддржува предлозите на Азербејџан за воспоставување алтернативни патишта во Карабах, како што е патот Агдам-Ханкенди, за кој рече дека е поддржан од ЕУ и Црвениот крст.
Во исто време француската страна не реагираше на прекршувањето на договорот од страна на Ерменија, која користи алтернативни патишта за дополнително да ја влоши тензијата во регионот, соопшти Баку.
Исто така, се вели дека француската страна „не обрнала внимание“ на едногласното отфрлање на барањето на Ерменија за отстранување на контролниот пункт од страна на Меѓународниот суд на правдата на 6 јули.
И покрај тековните разговори за долгорочен мировен договор, тензиите меѓу соседните земји се зголемија во последните месеци околу Коридорот Лачин, каде што Азербејџан воспостави граничен контролен пункт во април врз основа на спречувањето илегален транспорт на воено оружје и опрема во регионот.
Двете поранешни советски републики беа големи ривали од 1991 година, кога ерменската војска го окупира Нагорно-Карабах, територија меѓународно признаена како дел од Азербејџан, и седум соседни региони.
Кулминираше со 44 дена војна во 2020 година, кога Азербејџан ослободи неколку градови, села и населби од ерменската окупација. Војната заврши со мировен договор со посредство на Русија.
