Акција на израелската полиција во Западниот Брег, приведени 7 Палестинци

ЕРУСАЛИМ (АА) - Израелската полиција уапси седуммина Палестинци на Западниот Брег поради наводно поседување на оружје и воена опрема, јавува Anadolu Agency (AA).

Портпаролката на израелската полиција, Луба Самри, изјави дека полициската операција е спроведена во подрачјето Ес Семе во градот Ал-Халил и дека се уапсени седум лица.

Акцијата беше спроведена од страна на израелските војници и полицајци. Самри изјави дека Палестинците се уапсени за наводно поседување на оружје и воена опрема.

Според податоците на палестинскиот Совет за затвореници, во израелските затвори се наоѓаат околу 7.000 луѓе, вклучувајќи 300 малолетни деца, 51 жена и 21 новинар.