Албанија: Едно лице загина во поплавите во Лач

ТИРАНА (АА) - Обилните дождови кои продолжија во текот на ноќта предизвикаа поплави во некои домови и објекти во Лач, Албанија, додека едно лице загина, јавува Anadolu Agency (AA).

Од полициските извори се дознава дека жртвата е 48-годишниот К.Менга, за кого е констатирано дека се удавил во водата од поплавите.

Во меѓувреме се дознава и дека некои семејства се евакуирани во областа на Mилот, во близина на автопат.

Поплавените подрачја се прегледаат од страна на министерот за земјоделство, рурален развој и водостопанство, Едмонд Панарити, кој побара од жителите во најранливите области на врнежите да останат подготвени за евакуација.

За управувањето на ситуацијата ангажирани се полициската станица Курбин и Единиците за брза реакција.