Американскиот претседател Трамп во посета на Јапонија

ТОКИО (АА) - Претседателот на Соединетите Американски Држави (САД), Доналд Трамп, упатувајќи повик до севернокорејскиот лидер, Ким Џонг Ун, рече дека промените во неговата земја треба да ги обезбеди со ослободување од нуклеарното оружје, пренесува Anadolu Agency (AA).

Според агенцијата „Јонхап“, во рамките на четиридневната официјална посета на Јапонија, Трамп во Токио истакна дека со нуклеарното оружје може да се случуваат само „лоши работи“.

Трамп за последните тестирања на проектилите на Северна Кореја, за разлика од неговите советници кои мислат дека се нарушени санкциите на ОН, размислува „различно“ и вели дека дипломатските односи со Пјонгјанг треба да се одржуваат.

Истакнувајќи дека Северна Кореја има големи економски и други потенцијали, Трамп нагласи: „Се надеваме дека трансформацијата на неговата земја Ким ќе ја започне со ослободување од нуклеарното оружје. Со нуклеарното оружје може да се случат само лоши работи. Тој е интелигентен човек, кој ја разбира ситуацијата“.

Трамп отпатува во Јапонија за да присуствува на церемонијата на новиот император Нарухито. Тој, вчера од својот твитер-профил, во однос на тестирањата на проектилите со краток опсег од страна на Северна Кореја, напиша: „Северна Кореја лансираше проектили со краток дострел кои вознемирија еден дел од мојот народ.“

Трамп, исто така, се надева дека Ким Џонг Ун ќе го одржи своето ветување и истакна дека неговата земја не е подготвена да направи договор за трговија со Кина, но ја остава можноста еден ден двете земји да потпишат таков договор.

„Тие сакаат да склучиме договор. Ние не сме подготвени да склучиме договор.“

Истакнувајќи дека од Кина земаат царински даноци од десетици милиони долари, Трамп посочи дека можно е тие даноци да се зголемат.

Трамп, на самитот на Г-20 што ќе се одржи следниот месец во Јапонија рече дека се надева на средба со кинескиот колега Си Ѓинпинг.

Американскиот претседател на 8 мај објави дека САД ќе ја зголемат даночната стапка од 10 на 25 проценти за производите со потекло од Кина во вредност од 200 милијарди долари. Како одговор на тоа, Кина воведе дополнителни царини од 5 до 25 проценти за производите со потекло од САД во вредност од 60 милијарди долари. Даноците ќе стапат на сила на 1 јуни.

Трговската војна меѓу САД и Кина, која зад себе остави една година, во првата фаза донесе дополнителни тарифи за производите на двете земји што ги увезуваат едни од други. Оваа војна се прошири и на технолошките компании.

96 Normal 0 false false false EN-US X-NONE X-NONE /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:12.0pt; font-family:"Calibri",sans-serif; mso-ascii-font-family:Calibri; mso-ascii-theme-font:minor-latin; mso-hansi-font-family:Calibri; mso-hansi-theme-font:minor-latin;}