Африканската унија ја повика меѓународната заедница на помош за Сиера Леоне

АДИС АБЕБА (АА) - Претседателот на Комисијата на Африканската унија, Муса Факи Мухамед ја повика меѓународната зедница на помош за Сиера Леоне, земја во којашто во поплавите и свлечиштата настрадаа повеќе од 300 лица, јавува Anadolu Agency (AA).

Мухамед соопшти дека е длабоко потресен од веста за поплавите и свлечиштата во Фритаун каде што помош им е потребна на голем број лица.

Тој додаде дека целата Африканска унија е со народот и властите на Сиера Леоне во овие тешки времиња.

„Моите мисли и молитви се со семејствата кои ги загубија саканите“, изјави Мухамед.

Тој ги повика Африканците, но и меѓународните организации да му помогнат на Сиера Леоне.

Во поплавите и свлечиштата предизвикани со обилните врнежи, вчера смртно настрадаа 312 лица. Потпретседателот на Сиера Леоне, Виктор Бокарие Фох, изјави дека постои стравување оти стотици лица се заробени под земја.