Бен-Гвир го предупреди Нетанјаху: „Непромислен договор“ со Хамас може да доведе до распад на коалицијата

АНКАРА (АА) - Израелскиот министер за национална безбедност од крајната десница, Итамар Бен-Гвир, изјави дека „непромислен договор“ со Хамас за размена на заробеници ќе доведе до распад на коалициската влада предводена од премиерот Бенјамин Нетанјаху, јавува Анадолу.

Бен-Гвир, кој е познат по своето непријателство кон Палестина и кој вршеше притисок врз Нетанјаху да продолжи со нападите врз Газа, му се закани на израелскиот премиер со повторен распад на коалицијата.

Бен-Гвир се огласи на платформата на социјални медиуми Х во врска со новиот договор за размена на заробеници со Хамас, и наведе: „Непромислен договор = рушење на владата“.

Екстремниот десничар Бен-Гвир во повеќе наврати се закануваше дека ќе ја напушти коалициската влада предводена од Нетанјаху доколку не се преземат никакви чекори за исполнување на неговите барања од почетокот на офанзивата во Газа на 7 октомври.

Во својот говор на редовниот неделен состанок на неговата партија минатата недела, Бен-Гвир рече дека ќе ја напушти коалициската влада предводена од Нетанјаху доколку нападите врз Газа бидат сопрени.