Бомбашки терористички напади во Сирија: Загинаа 10, повредени 24 лица

АЗАЗ

Во бомбашките терористички напади извршени во подрачјето на Азез и Баб, што се наоѓаат во северниот дел на Сирија, досега загинаа 10, а 24 лица се повредени, јавува Агенција Анадолија (АА).

Во центарот на Азаз експлодираше бомба што била поставена во возило близу Културниот центар на Азаз и зградата на Привремената влада на Сирија.

Како резултат на овој напад загинаа 4 лица, додека 20 лица се повредени.

Извесно време по експлозијата во Азаз настана експлозија и на контролната точка во местото Зерзур, што се наоѓа 5 километри источно од подрачјето на Баб.

Според првичните сознанија, во овој напад загинаа 6, а повредени се 4 лица.

Постои загриженост поради можноста за зголемување на бројот на жртви и повредени.