Бројот на загинати во нападите на Израел врз Газа се искачи на 72.073

ИСТАНБУЛ (АА) - Бројот на загинати лица во нападите на израелската Армија врз Појасот Газа, од октомври 2023 година, се искачи на 72.073, пренесува Анадолу.

И покрај договорот за прекин на огнот, израелската војска ги продолжува нападите.

Министерството за здравство во Газа преку писмено соопштение ги објави најновите податоци за жртвите од нападите што траат од октомври 2023 година.

Во изминатите 24 часа во болниците во Газа биле донесени едно починато лице и осум повредени.

Се наведува дека откако стапи во сила прекинот на огнот, на 10 октомври 2025 година, во израелските напади биле убиени 615 лица, 1.651 биле повредени, а 726 тела биле извлечени од урнатините.

Вкупниот број загинати од израелските напади врз Појасот Газа од октомври 2023 година достигна 72.073, додека бројот на повредени се искачи на 171.749.

Се верува дека илјадници тела сѐ уште се заробени под урнатините во Појасот Газа.