Во напад со нож во црква се повредени четири лица во Австралија

АНКАРА (АА) - Најмалку четири лица се повредени во напад со нож во црква во Сиднеј, Австралија, јавува Анадолу.

Инцидентот се случил во црквата Христос Добриот Пастир во Вејкли, во западен Сиднеј, околу 19 часот и 15 минути по локално време, пренесува „9 Вести“.

Наведено е дека во нападот што се случил за време на молитвата во црквата биле повредени свештеник и три лица.

На социјалните мрежи е објавена снимка на која може да се види како напаѓачот му приоѓа на свештеникот и го напаѓа со нож.

Деталите за нападот сѐ уште не се потврдени, но се вели дека сторителот, за кој се верува дека дејствувал сам, е во притвор.