Германија приведе двајца осомничени руски шпиони

БЕРЛИН (АА) - Германските безбедносни сили приведоа двајца осомничени руски шпиони за планирање диверзантски операции во земјата, соопштија властите денес, јавува Анадолу.

Двајцата осомничени биле германско-руски двојни државјани и наводно биле вклучени во планови за напад на воената инфраструктура и индустриски локации, се вели во соопштението на Федералното обвинителство.

„Тие потези беа конкретно насочени кон поткопување на воената поддршка што Германија ѝ ја пружи на Украина против руската војна на агресија“, изјавија обвинителите.

Се вели дека главниот осомничен, Дитер С., собрал информации за потенцијални цели за напад, вклучително и за американски воени објекти во Германија.