ХЕРАТ (АА) - Авганистанската провинција Херат повторно ја потресоа земјотреси со магнитуди од 6,3 и 5 степени според Рихтеровата скала, по земјотресите што го потресоа ова подрачје изминатата сабота, известува Анадолу.
Според податоците на американскиот Геолошки завод, земјотрес со интензитет од 6,3 степени регистриран е во 5:11 часот по локално време, со епицентар 28 километри северно и севернозападно од Херат.
Само 11 минути подоцна по првиот земјотрес, во истиот регион е регистриран и втор земјотрес со интензитет од 5 степени.
И двата земјотреси биле на длабочина од 10 километри.
По земјотресот, дошло до краткотраен прекин на струјата во градот.
Изминатата сабота американскиот Геолошки завод објави дека силни земјотреси со магнитуда од 5,5, 5,9 и 6,2 степени го потресоа Авганистан. Епицентарот бил 40 километри северозападно од Херат.
Земјата која е разорена од војната, во моментов се бори со хуманитарна криза по повлекувањето на странските земји и организации откако талибанците повторно го зазедоа Кабул пред 2 години.
Земјотресите се честа појава во Авганистан, воглавно во планинскиот ланец Хиндукуш, кој се наоѓа во близина на спојот на евроазиската и индиската тектонска плоча.
Земјотресот со интензитет од 5,9 степени минатата година одзеде над 1.000 животи, а на десетици илјади остави без кров на главата во покраината Пактика.
