Две деца повредени во напад со беспилотни летала на Хусите врз цивилни домови во западен Јемен

Две деца се повредени, а неколку грла стока се убиени во напад со беспилотни летала на Хусите врз цивилни домови во западен Јемен, објави денес телевизиски канал близок до Владата, јавува Анадолу.

Телевизијата „Алџумхурија“, повикувајќи се на локални извори, соопшти дека беспилотни летала на Хусите ги погодиле домовите во областа Хајс, јужно од провинцијата Ал Худајда, при што биле повредени две деца и убиени животни.

Засега нема детали за обемот на материјалната штета предизвикана во нападот.

Борбите меѓу владините сили и Хусите се интензивираа покрај неколку линии на фронтот во Јемен од почетокот на јули, што претставува најсмртоносна ескалација од 2022 година.

Од двете страни е пријавено дека десетици лица биле убиени и повредени.