Египетскиот претседател Ал-Сиси: Посетата на Туркије го отвора патот за нова фаза во односите
Ал-Сиси рече дека Египет и Туркије делат цврст став „за неопходноста од постигнување прекин на огнот во Газа и ставање крај на израелската агресија на Западниот Брег“
![Египетскиот претседател Ал-Сиси: Посетата на Туркије го отвора патот за нова фаза во односите](https://cdnuploads.aa.com.tr/uploads/Contents/2024/09/05/thumbs_b_c_900b05afa630962a73f176a04d62ec7b.jpg?v=002722)
Istanbul
ИСТАНБУЛ (АА) - Египетскиот претседател Абдел Фатах ал-Сиси денес рече дека неговата посета на Туркије го отвора патот за нова фаза во египетско-турските односи, јавува Анадолу.
„Мојата посета на Туркије го отвора патот за нова фаза во економските и трговските односи“, рече Ал-Сиси на заедничката прес-конференција со турскиот претседател Реџеп Таип Ердоган.
„Сведоци сме на пораст на комуникацијата меѓу две земји во последните години“, додаде тој.
Египетскиот претседател ги поздрави напорите за приближување меѓу Туркије и Сирија „со цел постигнување на политичко решение и олеснување на страдањата на сирискиот народ, во согласност со резолуциите на Советот за безбедност на Обединетите нации“.
Ал-Сиси рече дека Египет и Туркије делат цврст став „за неопходноста од постигнување прекин на огнот во Газа и ставање крај на израелската агресија на Западниот Брег“.
„Нашите разговори беа фокусирани на начините за справување со хуманитарната трагедија што ја преживуваат Палестинците во Газа“, додаде тој.
Израел започна брутална офанзива врз Појасот Газа по нападот на Хамас на 7 октомври, при што загинаа над 40.800 луѓе, главно жени и деца, а повредени се речиси 94.400.
Израелската војска минатата недела ја започна и својата најголема воена операција на северниот дел на Западниот Брег во последните две децении, при што загинаа најмалку 33 луѓе, и предизвикано е огромно разорување во областа.
Египетскиот претседател во официјална посета на Анкара допатува денес, на покана на Ердоган.
По еднодневната посета, Ал-Сиси замина од Анкара во вечерните часови.