БРИСЕЛ (AA) - ШЕРИФЕ ЧЕТИН - Девет жени во Европа имаат функција како шеф на држава или на влада, додека една жена ја одредува надворешната политика на Европската Унија (ЕУ), јавува Anadolu Agency (AA).
Во Германија и Британија, најнаселените и најзначајните земји во ЕУ, постојат жени на власт.
Пред Светскиот ден на жената „8 Март“, има девет жени во претседателските или на премиерските места во Европа. Англија, Германија, Норвешка, Литванија, Естонија, Романија, Хрватска, Србија и Малта се предводени од жени-лидери.
Надворешната политика на ЕУ, исто така, ја води Федерика Могерини, високата претставничка за надворешна и безбедносна политика на ЕУ.
Од друга страна, во Шпанија, Италија, Шведска, Холандија и Унгарија, историски гледано, досега нема жена-претседател или премиер.
- Новата „железна дама“ на Европа, Меркел -
Ангела Меркел, 64-годишна физичарка, исто така, позната како нова железна дама во Европа, ја води Германија од 2005 година и ги насочува политиките на ЕУ со нејзината клучна улога во рамките на Унијата.
Меркел, која ги освои и четвртите избори во декември 2017 година, 12 пати се наоѓаше на листата на најсилните жени во светот на Форбс.
Така, Меркел е жена-политичар, која најдолго време остана на премиерското место, оставајќи ја и Маргарет Тачер зад неа, која беше премиерка на Велика Британија помеѓу 1979 - 1990 година.
- Кандидат за одредување на иднината на Велика Британија -
Тереза Меј, која ја презеде функцијата премиерка на Велика Британија, државата со најголем број на жители по Германија и Франција во Европа, стана втората жена-премиер во нејзината земја, по Тачер.
Таа, во извесна смисла, ја одредува иднината на земјата, водејќи го процесот на напуштање на Европската Унија (Брексит), во која Велика Британија влезе во 1973 година.
Меј (62), дипломирала Географија на Оксфордскиот универзитет и е позната по своето банкарско искуство, а од 11 јули 2016 година е премиерка на земјата.
- Претставник на надворешната политика на ЕУ, Могерини -
Могерини, високата претставничка за надворешна и безбедносна политика на ЕУ, е една од водечките жени-политичари во Европа.
Таа има 45 години и управува со надворешните работи и безбедносните политики на ЕУ од 2014 година, а претходно беше најмладата министерка за надворешни работи на Италија.
Могерини, „лицето“ на неодамнешните напори на ЕУ за поактивна улога во меѓународната политика, од друга страна, се обидува да постигне хармонизација на 28 членки во надворешно-политичкиот контекст помеѓу многу различни национални интереси.
Могерини, дипломирана политичарка, има студии за интеракцијата меѓу исламот и политиката.
- Жените-лидери во Северна Европа -
Две водечки земји во Северна Европа, Норвешка и Естонија, се управувани од жени.
Ерна Солберг (57), втората жена-премиерка на Норвешка, која по вторпат го доби мандатот од 2013 година, беше влијателна во локалните власти, особено со нејзините иницијативи за имиграциските политики.
Солберг, исто така, позната со својот антиимигрантски став, изгради ѕид на руската граница за да се спречи влезот на мигрантите во земјата.
Керсти Калјулаид (49), првата жена-претседател на европскиот дигитален гигант Естонија, води либерална политика.
Пред претседателството, таа ја претставувала Естонија во Европскиот суд и дипломирала на Одделот за биологија, а магистрирала во деловната администрација.
Калјулаид, која не била добро позната во земјата, додека не станала претседателка, исто така, придава големо значење на дијалогот со естонскиот народ.
- Литванската „челична магнолија“, Грибаускајте -
Далија Грибаускајте (62), која за првпат беше избрана за претседателка на Литванија во 2009 година и вторпат во 2014 година, претходно, како поранешна членка на Европската комисија, обрна внимание на реформите во буџетот на Унијата.
Грибаускајте, позната по својот антируски став, ја претвори растечката економија на Литванија во тренд на раст, исто така, позната е како „челична магнолија“.
- Најмладата претседателка на Малта, Преца -
Островската земја на Европа, Малта, е раководена од жена-претседател, Мари-Луиз Колеиро-Преца, од 2014 година.
Преца (60), која ќе претседава со Државата до 2019 година, се смета дека ќе се кандидира за претседателка на Европскиот парламент (ЕП), по завршувањето на нејзиниот мандат.
Преца е втората и најмлада претседателка на Малта и се интересира за политика од своите 16 години.
- Жените-лидерки на Балканот -
Балканските земји Романија, Хрватска и Србија се познати и по жените-лидерки.
На крајот на јануари, првата жена-премиерка на Романија, Виорика Данцила (55), ја презеде функцијата во периодот кога односите на земјата со ЕУ беа уназадени поради борбата против корупцијата.
Данцила има блиски врски со Европската комисија, бидејќи е заменик на ЕП од 2009 година.
Српската премиерка Ана Брнабиќ е првата жена премиерка на земјата. Брнабиќ, која е на функцијата од јули 2017 година, е позната по својот став за ЕУ.
Колинда Грабар-Китаровиќ (50), која е претседателка на Хрватска од 2015 година, е исто така позната како најмлада и прва жена-претседател на земјата.
Китаровиќ, која завршила дипломатска академија во Виена и претходно била заменик-генерална секретарка на НАТО за јавна дипломатија, исто така работела и како амбасадорка.
