Mustafa Deveci
15 Септември 2022•Ажурирај: 15 Септември 2022
ХАРКОВ (АА) - Автомобилот на украинскиот претседател Владимир Зеленски рано утринава доживеа сообраќајна несреќа во главниот град Киев, а според првичните информации, украинскиот лидер нема сериозни повреди, пренесува Агенција Анадолија (АА).
Неговиот портпарол Сергиј Никифоров на Твитер објави дека приватен автомобил се судрил со возилото на Зеленски и неговата придружба.
Никифоров истакна дека возачот на приватното возило е пренесен во болница откако лекарите кои ја придружувале колоната на Зеленски му пружиле помош.
Напоменувајќи дека Зеленски не е потешко повреден во несреќата, портпаролот рече дека ќе ги истражат причините за несреќата.
