Зеленски шокиран што Израел не ѝ помогна на Украина со вооружување

АНКАРА (АА) - Украинскиот претседател Владимир Зеленски изјави дека е шокиран од неуспехот на Израел да ѝ испорача оружје на Украина, пренесува Агенција Анадолија (АА).

„Не знам што се случи со Израел. Искрено, во шок сум затоа што не разбирам зошто не можеа да ни ја дадат противвоздушната одбрана“, истакнал претседателот Владимир Зеленски, објави „Катар трибјун“, цитирајќи извори блиски до украинскиот претседател.

Весникот наведува дека коментарите на Зеленски биле посилни од оние што ги дал во март, кога го прекоруваше Израел поради неговото колебање да испрати оружје во Киев против руските напади.

„Ги кажувам фактите. Моите разговори со израелското раководство не помогнаа ништо за Украина“, истакна Зеленски.