Израел 639 пати за 58 дена го прекрши договорот за прекин на огнот со Либан

ИСТАНБУЛ (АА) - Со влегувањето во 58-миот ден од стапувањето на сила на договорот за прекин на огнот меѓу Израел и Либан, бројот на прекршувања на примирјето од страна на Израел се зголеми на 639, известува Анадолу.

Според либанската новинска агенција ННА, израелската Армија запалила куќа во областа Мерџајун, сместена меѓу градовите Кантара и Тајбе.

Освен тоа, израелската Армија урна и неколку куќи и згради во градовите Кефр Кила и Везани.

Израелската Армија прекршувајќи го договорот на либанска територија уште 10 пати, вкупниот број прекршувања на договорот за прекин на огнот го зголеми на 639 пати.

Израел врши напади врз станбени области и домови, особено во јужните региони на Либан, со образложение дека „се бори против заканата од Хезболах“.

Според податоците на либанското Министерство за здравство и ННА, 38 лица ги загубија животите, а 45 се повредени како резултат на прекршувањето на примирјето од страна на Израел.