Израел уби тројца палестински полицајци кои обезбедуваа влез на помош во Газа

АНКАРА (АА) - Тројца палестински полицајци се убиени денес во израелското гранатирање на Рафа, во јужниот дел на Газа, и покрај договорот за прекин на огнот, јавува Анадолу.

Министерството за внатрешни работи на Газа соопшти дека загинатите полицајци биле распоредени да го обезбедат влезот на хуманитарната помош во Ал-Шаука, источно од Рафа.

Министерството најостро го осуди нападот и ги повика посредниците и меѓународната заедница да извршат притисок врз окупаторските сили да ги запрат нападите врз полициските сили, кои се цивилно тело одговорно за одржување на јавниот ред и организирање на секојдневните активности.

Палестинските полицајци се распоредени за да обезбедат влез на хуманитарна помош во опколената енклава во согласност со договорот за прекин на огнот меѓу Хамас и Израел.

Палестинските власти се пожалија дека Израел не го исполнува својот дел од договорот за ослободување дополнителна хуманитарна помош.

Израелската војска тврди дека ги гаѓала палестинските борци кои им се приближувале на нивните сили во тоа подрачје.

Договорот за прекин на огнот на 19 јануари ја запре израелската геноцидна војна во Газа, во која се убиени повеќе од 48.200 Палестинци.