Израелската Aрмија тестира оружје на животни

ЕРУСАЛИМ (АА) - Израелската Војска тајно спровела стотици експерименти врз животни за развој на оружје, објави денес израелскиот весник „Едиот Ахронот“ (Yedioth Aharonoth), пренесува Агенција Анадолија (АА).

„Околу 1.000 експерименти се спроведени од страна на израелското Министерство за одбрана на различни видови животни во текот на изминатите три години“, пишува весникот, повикувајќи се на документ од здружението „Оставете ги животните да живеат“.

Според документот, израелската Армија ги користела животните за да симулира поморски инцидент со повеќе жртви.

Во медицинските експерименти најмногу се користеле свињите поради сличностите на структурата на срцето и респираторниот систем со луѓето, покажува документот.

Весникот наведува дека Министерството за одбрана преку експериментите ја тестирала реакцијата на нивното тело при експлозија и при аеросолна експлозија.

Израелската Војска тврди дека спроведува многу мал број експерименти врз животни и тоа само за медицински истражувања и под надзор на квалификувани ветеринари.