ГРАД ГАЗА / ИСТАНБУЛ (АА) - Најмалку уште 45 Палестинци се убиени денес во нов масакр извршен од израелските сили врз цивилите што чекаа хуманитарна помош во јужниот дел на Појасот Газа, јавува Анадолу.
Министерството за здравство на Газа соопшти дека жртвите биле таргетирани на кружниот тек Ал-Талија во Кан Јунис, каде што се собрале поголем број луѓе за да земат хуманитарна помош. Се додава дека десетици од повредените се во критична состојба и пренесени се во Медицинскиот комплекс „Насер“.
„Собите за итни случаи, одделенијата за интензивна нега и операционите сали во болницата 'Насер' се преполни поради големиот број жртви“, соопшти Министерството, предупредувајќи дека медицинските екипи работат со сериозно ограничени резерви на лекови и круцијална опрема.
