Израелски војник кој од Газа се вратил во Тел Авив убил свој пријател

АЛ-КУДС (АА) - Израелски војник, кој учествувал во нападите на израелската војска во Појасот Газа, а неодамна се вратил во Тел Авив, застрелал и убил свој пријател, пренесува Анадолу.

Војник кој неодамна се вратил од Газа пукал во пријател и го убил во стан во Тел Авив, објави израелската телевизија „Канал 12“.

Во веста се наведува дека израелскиот војник кој го извршил убиството носел легално оружје, и дека и убиениот и убиецот имале 25 години.

Во последните месеци, израелските медиуми објавија наводи дека илјадници отпуштени израелски војници претрпеле повоена траума.