Израелскиот претседател го покани престолонаследникот на Абу Даби, Бин Зајид, во Израел

ЕРУСАЛИМ (АА) - Израепскиот претседател, Рувен Ривлин, го покани престолонаследникот на Абу Даби, принцот Мухамед бин Зајид ал Нахјан во Израел, пренесува Агенција Анадолија (АА).

Ривлин информацијата ја потврди преку објава на својот Твитер профил.

Тој напиша дека упатил покана до Бин Зајид да допатува во посета Западен Ерусалим (Кудс).

„Се надевам дека договорот постигнат меѓу нашите земји ќе придонесе во градење и зајакнување на довербата меѓу нас и народите во регионот, ќе придонесе за економијата и за стабилноста во регионот“, нагласи Ривлин.