Израелските сили застрелаа тинејџер за време на рација на Западниот Брег

ИСТАНБУЛ (АА) - Израелските сили застрелаа тинејџер и повредија двајца Палестинци, од кои едниот е во критична состојба, за време на рација вчера во окупираниот град Џенин на Западниот Брег, јавува Анадолу.

Судир изби меѓу Палестинците и израелските сили кога војниците упаднаа во домовите и распоредија снајперисти во подрачјето на Кабатије во јужниот дел на Џенин.

Мутесим Небил Абу Абид (13) е убиен, а уште двајца се ранети, јави палестинската новинска агенција ВАФА, повикувајќи се на изјавата на Феваз Хамад, директор на болницата Ер-Рази.

Израелските сили упаднаа во уште три домови, предизвикувајќи штета на покуќнината и уапсија две лица.

Во меѓувреме, израелските сили спроведоа рации во Беит Умар во северен Хеброн, како и во Калкилија и Ерихон, што доведе до судир меѓу Палестинците и израелските сили.

Бројот на убиени Палестинци во нападите на израелските сили и илегалните еврејски доселеници на окупираниот Западен Брег и Источен Ерусалим од 7 октомври се искачи на 455.