Израелските сили извршија рација во Џенин: Застрелани се осум Палестинци

РАМАЛА (АА) - Израелската Армија рано утринава изврши рација во градот Џенин на окупираниот Западен Брег, што предизвика судири со Палестинците во кои загинаа осум лица, јавува Анадолу.

Локалните извори за Анадолу изјавија дека силните израелски сили упаднале во градот и користеле и беспилотни летала.

Палестинското Министерство за здравство соопшти дека осум Палестинци се убиени, а 21 повреден, од кои двајца се во тешка состојба.

Тензиите низ Западниот Брег се зголемија откако Израел започна смртоносна воена офанзива на Појасот Газа.