Илјадници муслимани на островот Суматра се помолија за мир во светот

АЦЕХ (АА) - Неколку илјади муслимански верници се приклучија во синоќешната масовна молитва за мир во светот, јавува Anadolu Agency (AA).

Освен за мир во светот, индонезиските верници се помолија и за сузбивање на групите кои изведуваат терористички напади во име на исламот, земајќи човечки животи во Индонезија и ширум светот.

Молитвата за сите верници е организирана на отворено, во градот Банда Ацех, кој е седиште воедно и најголемиот град на провинцијата Ацех во Индонезија, сместен на островот Суматра.