Ирачкиот премиер го отфрли повикот за распуштање на шиитската милиција

БАГДАД (АА) - Ирачкиот премиер, Хајдар ал-Абади, денес го отфрли повикот од страна на шиитскиот свештеник Муктада ал Садр за распуштање шиитската милиција, јавува Anadolu Agency (AA).

Зборувајќи пред поддржувачите Ал Садр повика на распуштање на милицијата и префрлање на борците во ирачката армија.

„Хашд ал-Шаби е за Ирак и нема да биде распуштена”, изјави Ал Абади на прес-конференцијата во Багдад.

„Следната фаза по ослободувањето на земјата од ДЕАШ e битката за единство”, вели тој.

Шиитската милиција е формирана во 2014 година со назначена цел за борба против терористичката група ДЕАШ, која зафати огромни делови од територијата во северен и во западен Ирак.

Меѓутоа шиитската милиција се соочува со обвиненијата за злоупотреба на цивилите во областите со мнозинско сунитско население.

Минатиот месец, ирачката армија го зазеде Мосул од терористичката организација ДЕАШ.