Ирскиот јавен радиодифузер потврди дека втора година ќе го бојкотира Евросонг

Ирскиот јавен радиодифузер денес соопшти дека следната година ќе го бојкотира Евросонг, нагласувајќи дека неговиот став „останува непроменет“, јавува Анадолу.

Во соопштението РТЕ потврди дека втора година ќе го бојкотира музичкиот натпревар, наведувајќи дека нема да учествува на Евросонг 2027 ниту ќе го емитува натпреварот.

„РТЕ смета дека учеството на Ирска не може да се оправда имајќи ги предвид ужасните и континуираните загуби на животи во Газа и хуманитарната криза таму, која и понатаму ги изложува на ризик животите на голем број цивили“, се наведува во соопштението.

Во него се додава: „РТЕ и понатаму е длабоко загрижен поради континуираното спречување независни меѓународни новинари да пристапат до територијата на Газа.“

РТЕ беше меѓу неколкуте европски радиодифузери што го бојкотираа Евросонг 2026 откако беше донесена одлука Израел да може да учествува на натпреварот.