Кина ја повтори потребата од политичко решение за ставање крај на војната во Украина

ПЕКИНГ (АА) – Кина повторно ја нагласува потребата од политичко решение за ставање крај на војната во Украина, изјави кинескиот министер за надворешни работи Ванг Ји во телефонски разговор со неговиот руски колега Сергеј Лавров, јавува Анадолу.

Ванг истакна дека Кина ќе се залага за фер и правична позиција во секоја мултилатерална можност, ќе обезбеди објективни и рационални ставови, активно ќе промовира мир, ќе поттикнува разговори и ќе бара политички решенија.

Разговорот меѓу Ванг и Лавров следуваше еден ден по мировните преговори за Украина во саудискиот град Џеда, на кои присуствуваа претставници на повеќе земји, меѓу кои Соединетите Американски Држави (САД), Германија и Туркије.

Кина беше претставена од нејзиниот специјален пратеник за евроазиски прашања Ли Хуи, додека Русија не беше поканета на состанокот.

Минатиот викенд се одржа дводневен состанок за начините за решавање на тековната руско-украинска војна во градот Џеда, по сличната средба одржана во данската престолнина Копенхаген во јуни.