Mücahit Aydemir
23 Март 2021•Ажурирај: 23 Март 2021
ТРИПОЛИ
Во Либија, Владата за национално единство, предводена од премиерот Абдулхамид Дибејбе, испрати делегација во градот Бенгази за да го заврши процесот за преземање на власта од паралелната влада на истокот на земјата.
Според информациите на дописникот на Агенција Анадолија (АА) од извори во Бенгази, во делегацијата се наоѓаат вицепремиерот на Владата за национално единство, Хусеин Атије ел-Катрани, Рамазан Буџенах и некои министри.
Делегацијата се очекува да ја преземе власта од Абдулах Сени, кој нема меѓународно признавање и го поддржува Калифа Хафтар, водачот на нелегитимните сили на истокот од земјата.
Во Либија, каде што политичките и државните институции се поделени со години, меѓународно признатата Влада за национално единство (УМХ) беше одговорна во главниот град Триполи, додека на истокот имаше паралелна влада под водство на премиерот Абдулах Сени.
Дибејбе на 16 март ја презеде власта од премиерот на Владата за национално единство (UMH), Фајиз ал-Сарач, во резиденцијата на премиерот во Триполи.
Како резултат на гласањето на Либискиот форум за политички дијалог, што се одржа под раководство на Обединетите нации (ОН) за решение на либиската криза, на 5 февруари, Мохамед ал-Менфи беше избран за претседател на претседателскиот Совет, додека Абдулхамид Дибејбе беше избран за премиер на Владата на национално единство.
