Лидерот на Хамас, Ал-Хаја: „Нашиот народ нема да заборави никого што учествуваше во геноцидната војна“

ИСТАНБУЛ (АА) – Членот на Политичкото биро на Хамас, Халил ал-Хаја, денеска изјави дека палестинскиот народ „нема да заборави никого што учествуваше во геноцидната војна“, пренесува Анадолу.

На прес-конференцијата, Ал Хаја рече: „Она што го извршија (израелската) окупација и нејзините поддржувачи, од брутална геноцидна војна до злосторства слични на тие на нацистите, ќе остане врежано во меморијата на нашиот народ и светот како најзлобниот геноцид на модерното време“.

„Во овој историски момент, му упатуваме зборови на гордост и чест на нашиот народ во Газа“, додаде тој.

Ал-Хаја понатаму потсети на „чесните ставови на сите земји кои нè поддржуваа на различни полиња, особено нашите браќа во Туркије, Јужноафриканската Република, Алжир, Русија, Кина, Малезија и Индонезија“.