Ликот на Мелони отстранет од фреската во римската црква по реакциите

ИСТАНБУЛ (АА) – Сликата на ангел што личи на италијанската премиерка Џорџа Мелони е отстранета од фреската во црква во Рим по приговорите на ватиканските власти, јавува Анадолу.

Фреската, која се наоѓа во Базиликата „Сан Лоренцо“ во Лучина, една од најстарите цркви во Рим, беше реставрирана минатата година од уметникот Бруно Валентинети.

Сличноста беше објавена од италијанските медиуми претходно овој месец, што предизвика истрага од Римската епархија и италијанското Министерство за култура.

Валентинети подоцна призна дека сликата е инспирирана од Мелони.

Црковните претставници рекоа дека сликата не се совпаѓа со оригиналната иконографија или сакралната природа на местото, а уметникот го насликал лицето по барање на ватиканските власти.

„Сликите од светата уметност и христијанската традиција не можат да се злоупотребуваат или експлоатираат“, изјави кардиналот на Рим, Балдасаре Реина.

На флеската ќе бидат ставени оригиналните црти на лицето, соопшти Канцеларијата на Римската епархија.

Министерството за култура, исто така, нагласи дека секоја реставраторска работа во црквата бара претходно овластување од релевантните институции.