Макрон: „ЕУ треба да продолжи со стратешкото партнерство со Турција и Русија"

ПАРИЗ (АА) - Францускиот претседател Емануел Макрон изјави дека Европската Унија треба да продолжи со „стратешкото партнерство“ со Турција и Русија во преземањето одговорност за својата сопствена одбрана и намалувањето на нејзината зависност од САД, јавува Anadolu Agency (AA).

Зборувајќи на заедничката прес-конференција во Хелсинки заедно со неговиот фински колега, Саули Нинисте, Макрон изјави дека нивниот интерес со Турција, како и со Русија, е да имаат стратешко партнерство кое овозможува долгорочно стабилизирање на односите со ЕУ.

Францускиот лидер додаде дека треба да ги подобрат односите со Русија по крајот на Студената војна, велејќи дека старите навики довеле до грешки или недоразбирање во последните две децении.

„Мислам дека за прашањата како кибербезбедност, одбрана, стратешко партнерство, можеме да го предвидиме изгледот на новите односи меѓу Русија и ЕУ, кои се кохерентни со насоката во која е насочена ЕУ“, изјави Макрон.

„Стабилноста во целиот регион е во наш интерес“, додаде тој.