Над 500 загинати во напад на Израел врз баптистичката болница Ал-Ахли во Газа

ГАЗА (АА) - Над 500 лица загинаа во израелски воздушен напад врз баптистичката болница Ал-Ахли во Газа, изјави за Анадолу портпаролот на Министерството за здравство, Ашраф ал-Кудра, јавува Анадолу.

Снимките покажаа трупови расфрлани низ болницата.

Според дописникот на Анадолу, илјадници Палестинци биле во болница кога зградата била под бомбардирање.

Израелската војска, од своја страна, рече дека извештаите за можен воздушен напад врз болницата „се уште се разгледуваат“.

Даниел Хагари, портпарол на израелската војска, нагласи дека се уште ги нема сите информации, а дополнителни детали ќе бидат дадени кога е можно, според весникот „Тајмс оф Израел“.

Портпаролот истакна дека засега не знае дали експлозијата во болницата била израелски напад.

Палестинската група Хамас нападот на болницата од страна на Израел го опиша како „геноцид“.