Нападнато училиште на Западниот Брег од Израелци кои узурпираа палестинското земјиште

ИСТАНБУЛ (АА) - Израелците кои го узурпираа палестинското земјиште нападнаа училиште во окупираниот град Тубас на Западниот Брег, уништувајќи го училишниот мебел и опрема, известува Анадолу.

Според извештајот на официјалната палестинска новинска агенција ВАФА, директорот на националното образование на покраината Тубас, Азми Белавне, изјавил дека голем број Израелци кои го узурпирале палестинското земјиште, извршиле напад во основното училиште „Ал-Тахади“, во североисточниот дел на градот.

Белавне соопшти дека Израелците ги уништиле мебелот и опремата во различни делови од училиштето и го запалиле палестинското знаме.

Израелците кои го узурпираа палестинското земјиште, последните недели извршиле бројни напади врз споменатото училиште под заштита на армијата.

Врз палестинско земјиште узурпирано од Израел на Западниот Брег, којшто Израел го окупираше во 1967 година, изградени се повеќе од 250 нелегални населби.

Повеќе од 500.000 Израелци живеат во нелегалните населби изградени на запленетото палестинско земјиште.

Израелците, кои го узурпираа палестинското земјиште, често напаѓаат палестински места и села на Западниот Брег. Овие напади дополнително го влошуваат животот на Палестинците принудени на сопствена земја да живеат под јаремот на окупацијата.