ОН: Во војната во Украина загинаа 9.500 цивили

ЖЕНЕВА (АА) - Обединетите нации (ОН) објавија дека во Украина досега загинале 9.500 цивили, јавува Анадолу.

Канцеларијата на ОН во Женева објави податоци за загинатите, повредените и за раселените лица во војната меѓу Русија и Украина, што трае од 24 февруари минатата година.

Се истакнува дека цената на војната е висока.

Во објавата се наведува дека во војната во Украина загинале 9.500 цивили, додека над 17.000 луѓе се повредени.

„Вистинските бројки дефинитивно се поголеми. Повеќе од шест милиони Украинци побегнаа во соседните земји. Над пет милиони се внатрешно раселени“, објавија од Обединетите нации.