ОН: Израел повторно блокира дел од операцијата за помош во Газа

ЊУЈОРК (АА) - Портпаролот на ОН, Стефан Дужарик, на својот дневен брифинг даде изјава во врска со случувањата во Газа, известува Анадолу.

Цитирајќи ги информациите што ги добил од Канцеларијата на ОН за координација на хуманитарните прашања (УНOСНА), Дужарик рече дека Израел дозволил премин само на 10 од 21 активност за помош претходно координирани за Газа.

Зборувајќи дека другите операции се блокирани, Дужарик рече:

„Израелските власти продолжуваат да ги попречуваат напорите на ОН за помош во Газа“.

Дужарик рече дека УНOСНА е исто така длабоко загрижена поради намаленото снабдување со гориво, додавајќи дека телекомуникациските услуги ќе мора да бидат суспендирани поради недостиг на гориво.

- „Слика исполнета со насилство“ на окупираните територии во првата недела од 2025 година

Давајќи информации за ситуацијата во окупираниот Западен Брег и Источен Ерусалим, Дужарик рече дека „слика исполнета со насилство“ се појавила во првата недела од 2025 година.

Дужарик рече дека израелските сили убиле тројца Палестинци, меѓу кои и едно дете, а повредиле 38 лица.

Истакнувајќи дека Израелците, кои ја зазеле палестинската земја, повредиле 18 лица на Западниот Брег, Дужарик рече дека 50 Палестинци се раселени поради уривањата.