Ekipa
05 Март 2019•Ажурирај: 06 Март 2019
КАРАЧИ (АА) - Пакистанската морнарица денес потврди дека го спречила обидот на индиската подморница да влезе во пакистанските води во Арапското Море, јавува Anadolu Agency (AA).
„Пакистанската морнарица ги користеше своите специјализирани вештини за да не дозволи приближување на подморницата, успешно задржувајќи да не влезе во пакистанските води“, се вели во соопштението на Пакистанската морнарица.
Пакистан соопшти дека не ја погодил индиската подморница, во согласност со владината политика за одржување на мирот во регионот.
„Ова е вторпат по 2016 година, индиската подморница да биде откриена во близина на пакистанските води“, се додава во соопштението.
Овој развој на настаните се случи неколку дена по воздушните напади меѓу воздушните сили на долгогодишните ривали Пакистан и Индија, по смртоносниот бомбашки напад врз индискиот воен конвој во спорниот регион Џаму и Кашмир минатиот месец. Индија го обвини Пакистан за нападот во кој загинаа повеќе од 40 индиски војници.
