Палестина од Црвениот крст побара помош за затворениците во израелските затвори

РАМАЛА (АА) - Палестинските власти побараа од Црвениот крст да интервенира за да ги заштити палестинските затвореници во израелските затвори од новиот вид коронавирус Ковид-19, пренесува Агенција Анадолија (АА).

Палестинскиот министер за надворешни работи, Ријад ал Малики, испрати порака до претседателот на Меѓународниот комитет на Црвениот крст, Петер Маурер.

Малики го замолил Маурер да изврши притисок врз „администрацијата на окупаторот“ (Израел) за да ги заштити палестинските затвореници од Ковид-19.

Истакнувајќи дека во израелските затвори има и затвореници со хронични болести, Малики од Маурер побара да направи напори за да се ослободат затворениците.

Според официјалните податоци, во израелските затвори се држат 5.000 Палестинци, од кои 43 се жени, 180 деца и 700 затвореници со хронични болести.