Позитивни чекори во врска со формирањето на Уставниот комитет во Сирија

АНКАРА (АА) - Ахмет Тума, шефот на делегацијата на воената опозиција во Сирија, истакнувајќи дека утре ќе учествуваат на 13. Состанок за Сирија на земјите гаранти, во Нурсултан, главниот град на Казахстан, рече дека има позитивен напредок во однос на формирањето на Уставниот комитет, пренесува Anadolu Agency (AA).

„Во последниот период имаше позитивни движења околу формирањето на Уставниот комитет. Најверојатно наскоро ќе има изјава за објавување на Комисијата.“

Тума, пред 13. Состанок за Сирија на земјите гаранти, во Истанбул даде изјава за медиумите.

Изјавувајќи дека тие ќе учествуваат на состанокот за Сирија, Тума нагласи: „Разговорите во Астана се единствениот процес што се занимава со иднината на Сирија. Одлучивме да одиме на состанокот затоа што сметаме дека е подобро да сме таму. Ќе бидеме таму за да го продолжиме нашиот процес на отпор“.

Тума, наведувајќи дека тие ги претставуваат сите сегменти на сирискиот народ, рече дека сириската воена опозиција е најважниот дел од политичкото решение на кризата.

Истакнувајќи дека на состанокот ќе се сретнат и со делегацијата на Обединетите нации (ОН), Тума додаде: „Ќе разговараме и за најновата состојба во формирањето на Уставниот комитет. Исто така и за состојбата на сириските бегалци во Либан. Присуството на либанската делегација на состанокот е значајно за да можеме да разговараме на темата за бегалците“.

- Активности за формирање на Уставниот комитет -

Тума потсети дека формирањето на Уставниот комитет започнало на процесот во Астана.

„Во последниот период имаше позитивни движења околу формирањето на Уставниот комитет. Најверојатно наскоро ќе има изјава за објавување на Комисијата“, нагласи Тума.

Тој истакна дека режимот и неговите приврзаници постојано се обидуваат да го попречат формирањето на Уставниот комитет.

„За време на формирањето на Уставниот комитет, режимот доследно поставуваше услови што не може да се прифатат. Режимот сакаше претседателство на Комитетот и двотретинско мнозинство, но тоа не беше прифатено.“

Тума, исто така, се заблагодари за поддршката на Турција.

- 13. Состанок за Сирија на земјите гаранти -

Министерството за надворешни работи на Казахстан на 17 јули истакна дека 13. Состанок за Сирија на земјите гаранти во форматот од Астана ќе се одржи во главниот град Нурсултан на 1 и 2 август.

Покрај земјите гаранти Турција, Русија и Иран, на состанокот ќе учествуваат претставници на режимот на Башар ал Асад и воената опозиција. Обединетите нации, Јордан, Либан и Ирак на состанокот ќе бидат присутни во улога на набљудувачи.

На состанокот ќе се разговара и за актуелната состојба во Сирија, особено во Идлиб и североисточна Сирија.