Ракот водечка причина за смртност во Грција

АТИНА (АА) - Ракот е водечка причина за смртност во Грција, најмногу поради високите стапки на пушење, загадениот воздух и проблематичниот јавен здравствен систем, објавија локалните медиуми вчера, јавува Анадолу.

„Ракот на белите дробови е најчеста причина за смртни случаи“, пишува весникот „То вима“.

„Ракот на дојка и бели дробови се најчесто дијагностицирани форми кај жените, додека ракот на простата и бели дробови се најчести кај мажите“, се додава во извештајот.

Грција има повисоки стапки на дебелина од другите медитерански земји, како што се Италија и Шпанија, со погоденост до 70 отсто на населението со пониски приходи, се вели во извештајот.

​​​​​​​Весникот ја нагласи потребата од национална стратегија за рак, велејќи: „Со приоритет на превенцијата, инвестирање во иновативни третмани и обезбедување еднаков пристап до здравствената заштита, Грција може значително да ја намали смртноста поврзана со ракот и да ги подобри исходите на пациентите.“