Расте бројот на жртви од бомбашки напади во Дамаск: Загинаа 12, ранети 55 лица

ДАМАСК (AA) – Во два бомбашки напади изведени во местото Сејиде Зеинаб на југот од Дамаск, во Сирија, до сега загинаа 12, а ранети се 55 лица, јавува Anadolu Agency (AA).

Причинета е и материјална штета на неколку згради, а гореа и возила. Одговорноста за нападот, по пат на социјалните мрежи, го презеде терористичката организација ДАЕШ.

Во утринските часови изведен е еден самоубиствен напад на контролната точка Дијабије, а на улица Тин активиран е автомобил-бомба.